Archive for يناير, 2009

أغليك .. (( هدية عيد الميلاد ))

أسكرمن إشفاهك واضيع وش أقول

اغيب عن دنياي وابحر بدنياك

اهيم بعيونك وكلك ومعسول

حلو الدرر لامن نثرت ابشفاياك

اموت لامن غبت واحيا بمرسول

منك وروحي رهن في كف بيمناك

لوما الغلا والحب يجبرني اقول

ماكان هلت دمعتي عند طرياك

ولاكان علقت الأماني ولاطول

منها سوا جرحا لقلبا تمناك

اغليك لين اخر نفس مني أبحول

منه كتبت وبدون ترتيب لقياك .

كل العذر منكم .. والسموحه

أعذروني .. لاتعلقت بالخيال ..
فيني طفل مامل من كلمة ( ياليت )

كل مانهرته غمض عيونه وقال ..
وش للزمن يقسى و يهدم .. مابنيت

محتار أجاوب ..و إلا أمسح دمع سال
يامن يبيع الصبر .. في الحال (أشتريت )

من لام شخص فوق طاقته .. شال
ربي يلومه .. وأنا من قلبي ( دعيت )

تسال عن اخباري .. !

ابشرك .. للحين طيب ..
وموجود ..
وعايش
ولا عندي مشاكل .. ولا أحزان

بياض قلبي كل الأيام في زود ..
من جود ربي .. موب من كثر الأحسان

مايكفي إني رغم الأيام هالسود
حولي ذياب .. وعايش لوحدي .. أنسان

أبرحل

ياعمرآ للشقا مكتوب
ياحبآ يحتضر فيني
ياقلب من الفرح مسلوب
يادمعه حارت ابعيني
يايومآ م العمر محسوب
أنا بنشدك أناويني
أنا شمعه بيوم تذوب
أو إن الروح تسكني
انا ياحظي المغلوب
على امره يكفيني
تفننت ابأمل مكذوب
سنينك بس تمنيني
كفايه منك انا باتوب
وبرحل عنك خليني
برحل عالمي واذوب
بحزنآ ساكنآ فيني
ابلبس من ظلامه ثوب
سواده بس يغطيني

رساله مجرده


خابرك حساس وتخاف الزحام
خاف قلبٍ به هموم مجمعه

أعتقه ((لله ))وأتركه بـ سلام
مابقى به (( عرق )) تقدر تقطعه

لاتقول البعد والفرقى حرام
.. الحرام أعطيك عمر .. تضيعه