بسمة آلم

عندا يجتمع الابداع
والانتماء
والرسم التصويري بالحرف المحترف
عندها .. ستكون بسمة آلم هي ملاذي في آرتشافات شعر .. ينتمي آلى القمه
 

وش أحكي لك وش أحكي لك وش أحكي لك وش أحكي لك
وش أحكي لك وش أحكي لك وش أحكـي لـك علشانـك
وش أحكي لك .. وصبـح الكـادي كـان أول مراسيلـك
وش أحكي لـك .. يابسمـة الألـم فـي شفـاة تعبانـك
وش أحكي لك .. وأنـا مـدري منيـن أولـك وأبديلـك
وش أحكي لك .. وخوخـك يلتحـف فـي جلـد رمانـك
وش أحكي لك .. وأنا المشتـاق أشـم العطـر ومنديلـك
وش أحكي لك .. وأنا الصاحـي مـع غيـرك وسكرانـك
وش أحكي لك .. وعشقي يكفـر أبقلبـي ويصلـي لـك
وش أحكي لك .. وذنبي فـي غرامـك يرجـي غفرانـك
وش أحكي لـك .. وأنـا التايـه قبـل القـاك وأجيلـك
وش أحكي لك .. وأنا أدري بك سراب وجيـت ضميانـك
وش أحكـي لـك .. وحلمـي أدمنـك والواقـع أبخيلـك
وش أحكي لك .. وأنا المحروم وتعطـا كفـوف ستيانـك
وش أحكي لك .. وصبري مل وقلت أجيـك وأشكـي لـك
وش أحكـي لـك .. وآمالـي تـرى بتابـوت هجرانـك
وش أحكي لـك .. وأنـا اللـي يستغيثـك دوم ويخيلـك
وش أحكـي لـك .. ولابلـل وصالـك ريـق هتـانـك
وش أحكي لك .. وفجري مـات بيـن رموشـك وليلـك
وش أحكي لـك .. وأنـا لليـوم أحفّـر قبـر سهرانـك
وش أحكـي وش أحكـي لـك وكـل ضلوعـي أتشيلـك
سكنتـي كلـك أبصـدري ولـطـخ دمــي السـانـك
غرزتـي داخلـي جمـر ونـبـت جـمـري يناديـلـك
تعالـي والعمـر مــرّه وأنــا جـمـرك وبـردانـك
أهلوس بـك وأهـذري بـك وأغنـي بـك وأغنـي لـك
وأشمـك فـي رئـة النـود وكلـي يشـكـي أدمـانـك
وإذا جيتـي بفـكـري بأشتـعـل وأصـيـر قنديـلـك
ولايطّفـي جنونـي غيـر عـذب أنـفـاس ريحـانـك
قسم ماكنت عايش قبـل أشوفـك صدفـه وأمشـي لـك
ومـوتـي لعنـبـو مـوتـي إذا مـامـت بأحضـانـك
أدوّر لـك شبيـه ولالقـيـت الـلـي بوصـفـي لــك
ياربـي كيـف مخلـوقـه مــن أنجيـلـك وقـرآنـك
تموت الناس وتحيـا نـاس وأنتـي ( مذهلـة جيلـك )
وأنـا شاعـرك وبخلـي يـمـوت الجـيـل غيـرانـك
دخيلـك وش بقـى فينـي عشـان اعطيـك وأهديـلـك
وش أكثر مـن شموخـي وأنكسـر لرضـاك ولحسانـك
أحبـك ( لأ ) ويـش أكبـر وأبلـغ مـن يحبـي لــك
أعبـدك أيـه أعبـدك وإن كفـرت أكـفـر علشـانـك
أنـا بستغفـر الله خالقـي وأنتـي ويـش أحكـي لـك
عسـانـي أنـطـرم إذا ماحـرفـي نــال رضـوانـك

بسمة آلم .. للمشاهدة على اليوتيوب

أترك رداً